Çështja e Asociacionit të Komunave me Shumicë Serbe është bërë sërish shkak për përplasjen mes Kosovës dhe Serbisë.Këto mosmarrëveshje po ndikojnë akoma më shumë në ngecjen e dialogut mes dy vendeve, gjë e cila është ndërmjetësuar vazhdimisht nga Bashkimi Evropian.
Një deklaratë e presidentes së Kosovës, Vjosa Osmani, ka ngjallur reagimin e presidentit të Serbisë Aleksandër Vuçiç.Në një intervistë të sajën, Osmani u shpreh se nuk është në interesin e Kosovës të krijojë diçka kundër kushtetutës apo ndonjë prelud tjetër të shtetit serb. Sipas saj një asociacion i tillë mund të ketë maksimumi kompetenca të një OJQ-je, ndërsa theksoi se është Serbia ajo që po rrezikon stabilitetin e rajonit.
Sipas Osmanit, Serbia sëbashku me Rusinë po rrezikojnë stabilitetin jo vetëm regjional por edhe atë në Kosovë, Maqedoninë e Veriut, Malin e Zi e shumë shtete të tjera. Madje ajo theksoi se është e natyrshme që BE-ja të reagojë për shkak se ke armatim rus në kufi me Kosovën dhe Serbinë dhe për të gjitha këto BE-ja nuk reagoi asnjëherë.Osmani, mosbesim ka shprehur dhe ndaj qëndrimit serbt, duke u shprehur se Serbia nuk ka asnjë interesim që të nënshkruaj marrëveshje finale me Kosovën.
Presidenti serb, Aleksandër Vuçiç, ka reafuar pas këtyre deklaratave të presidentes së Kosovës, duke thënë se ai pret përgjigje dhe reagim nga BE-ja lidhur me deklaratën e Osmanit, ku shprehet se Kushtetuta e Kosovës nuk do të ndryshohet për shkak të krijimit të Asociacionit të Komunave me Shumicë Serbe në Kosovë.
Sipas Vuçiç kjo është çështje për BE-në dhe nëse Kosova nuk do të ndryshojë Kushtetutën, mesazhi i tyre është i kuptueshëm, ndaj do të pritet përgjigjia nga BE.
Vuçiç gjithashtu shtoi se refuzimi i Prishtinës për të zbatuar atë që është zotuar me marrëveshjet e Brukselit flet më shumë për Prishtinën sesa për Beogradin.
