Kryedemokrati Lulzim Basha thotë se përgjigja e demokratëve këtë të dielë për masakrën zgjedhore të 25 prillit do të jetë e fortë dhe e qartë.
Basha shkruan se PD nuk do e lërë Shqipërinë në duart e regjimit Rama-Doshi duke theksuar se bashkë me shumicën e shqiptarëve do luftojë për demokracinë dhe ndryshimin që njerëzit meritojnë.
“Këtë të diel përgjigja e demokratëve për masakrën zgjedhore, për rënien e demokracisë, për pengimin e përkohshëm të ndryshimit, do jetë e fortë dhe e qartë. Ne nuk e lëmë Shqipërinë në duart e regjimit Rama-Doshi! Së bashku me shumicën e shqiptarëve do luftojmë për demokracinë dhe për ndryshimin që njerëzit duan dhe meritojnë!”, shkruan Basha.
Zgjedhjet për kryetar të PD zhvillohen të dielën ndërsa nesër është heshtje zgjedhore. Në garë përballë Bashës janë Agron Shehaj, Fatbardh Kadilli dhe Edith Harxhi.
