Dy helikopterët “Black Hawk” të ushtrisë amerikane, u përfshinë në një aksident pranë zonës së Mineral Basin në Utah, gjatë një stërvitje të Gardës Kombëtare ku janë përplasur me njëri-tjetrin.
Mediat e huaja shkruajnë se ngjarja ndodhi ndërsa helikopterët po uleshin pranë një resorti skish, kur helikat e njërit prej mjeteve fluturuese prekën tjetrin, pasi piloti humbi fushëpamjen për shkak të borës që u ngrit nga toka.
Dy helikopterët “Black Hawks”, po merrnin pjesë në një stërvitje dimërore në një zonë ulje të miratuar, e cila është e zakonshme dhe ndodh mesatarisht rreth një herë në javë. Fatmirësisht nga ky aksident nuk është shënuar asnjë i lënduar.
Discussion about this post