Ditën e djeshme çmimi naftës shkoi në 248 lekë për litër dhe ky vendim i Bordit ka sjellë mjaftë reagime. I irrituar për këtë çështje ka folur sot edhe Ish-ministri i Bujqësisë, Edmond Panariti. Ai ka publikuar një tabelë me çmimin e karburantit në SHBA, si dhe njoftimin nga institucionet amerikane për konsumatorët se ku shitet dhe blihet më lirë. Panariti shkruan se në SHBA nuk ka çmim të unifikuar, sepse ka konkurrencë mes kompanive, por edhe nivel të diferencuar taksimi të karburantit sipas vendit, sepse nuk sundon monopoli. Kurse te ne, sipas tij, Bordi thotë shkoni ku të doni, nga të doni por nafta mbetet 248 lekë për litër.
“Shkoni ku të doni, nga të doni por naftës 248 lek për litër nuk i shpëtoni! Çfarë na thotë sot më dt 28 Gusht “bordi” i transparencës së karburanteve në Amerikë dhe ç’thotë ky i joni këtu? Amerikë… platforma njofton se ku shitet dhe blihet më lirë karburanti në Amerikë, duke njoftuar konsumatoret për furnizuesit me emër firme, adresë qyteti dhe shteti për në dt 28 Gusht për karburantin më të lirë. Çfarë të bie në sy?
Nuk ka çmim të unifikuar, sepse ka konkurrencë mes kompanive, por edhe nivel të diferencuar taksimi të karburantit sipas vendit Pra.. Jo monopol. Gjithsesi çmimi rreth 2 herë më i lirë Çfarë thotë bordi te ne? Shkoni ku të doni, si të doni dhe nga të doni por 248 lek për litër nuk i shpëtoni”, shkruan ai. Ndërsa kujtojmë se pak më parë për të njëjtin shqetësim foli edhe deputeti Luçiano Boçi, i cili tha se ne kemi çmimet më të larta në rajon.
Discussion about this post