Kombëtarja shqiptare U-15 do të zhvillojë dy ndeshje miqësore ndaj Maltës në muajin shtator. Departamenti i Komunikimit në FSHF bën me dije se është arritur marrëveshja me Federatën e Futbollit të Maltës që këto dy miqësore të luhen më 16 dhe 18 shtator në “Shtëpinë e Futbollit”.
Ndeshja e parë miqësore është programuar të luhet më 16 shtator, ora 16:00, ndërsa takimi i dytë më 18 shtator, ora 11:00.
Këto sfida do të jenë edhe testi i parë për trajnerin e ri të Kombëtares U-15, Genti Mahmuti, i cili do të ketë mundësinë të vlerësojë grupin e futbollistëve të rinj, që kryesisht përbëhet nga lojtarët e akademisë së FSHF, “Elite Youth”.
Discussion about this post