Dy të vdekur nga përmbytjet në Bullgari

Dy persona humbën jetën në përmbytjet e shkaktuara nga shiu i rrëmbyeshëm në komunën Tsarevo në rajonin e Detit të Zi të Bullgarisë, tha një zyrtar lokal për televizionin BTV të martën.

“Situata është shumë e rëndë. Kemi konfirmim për vdekjen e dy personave”, tha kryetari i komunës së Tsarevo, Georgi Lapçev për televizionin BTV.

Është shpallur gjendja e jashtëzakonshme ndërsa mediat raportojnë se 60 persona janë evakuuar, raporton reuters.

Imazhet treguan rimorkio kampingu dhe vetura në det pasi rritjes së nivelit të ujit në det. Kamp-shtëpizat dhe hotelet përgjatë bregut të detit u përmbytën.

Furnizimi me energji elektrike është ndërprerë në resortin e Sinemorecit dhe fshati më i vogël Kosti është evakuuar.

Autoritetet në Carevo u bënë thirrje njerëzve që të lëvizin në vende më të larta kudo që të jetë e mundur.

Ndërkohë, pas reshjeve të dendura të shiut dhe përmbytjeve në perëndim të Turqisë, pesë persona rezultojnë të zhdukur, mes tyre një fëmijë.