Antonina Kozachenko dhe Anastasia Lopukhova, nga Ukraina, janë gjetur të vdekura në Tiranë, këtë të premte.
Viktimat janë të moshës 25 dhe 40 vjeçe dhe sipas policisë, dyshohet se kanë konsumuar “ilaçe me përmbajtje lëndësh narkotike”.
Ato jetonin në një shtëpi me qira në zonën e Selvisë në kryeqytet. Ka qenë shoqja e tyre e dhomës që ka konstatuar trupat e pajetë.
“Rreth orës 13:35, në Rrugën e Dibrës, në banesë, janë gjetur nga shoqja e tyre e dhomës, pa shenja jete shtetaset ukrainase A.K., 25 vjeçe dhe A.L., 40 vjeçe. Paraprakisht dyshohet se dy shtetaset kanë humbur jetën për shkak se kanë konsumuar mbidozë ilaçesh me përmbajtje lëndësh narkotike”, njoftoi policia.
Të njëjtat burime shtuan se është ngritur një grup hetimor së bashku me ekspertë të ADN-së dhe Ekspertimeve Biologjike pranë Institutit të Policisë Shkencore për zbardhjen e rrethanave të ngjarjes.
Sherr me farmacisten
Burime pranë grupit hetimore bëjnë me dije se dy ditë më parë, vajzat kanë shkuar në një farmaci në kryeqytet, ku kanë kërkuar “Xanax” – një ilaç që jepet nga mjekët për pacientet që vuajnë nga ankthi.
Sipas të njëjtave burime, farmacistja ka refuzuar t’ua shesë, çka ka tensionuar vajzat, të cilat më pas kanë sulmuar fizikisht farmacisten duke e lënduar në dorë.
Kjo e fundit ka denoncuar rastin në polici, por blutë nuk kanë arritur të lokalizojnë vajzat, të cilat këtë të premte u gjetën të pajeta në banesën e marrë me qira.
Lexo edhe:
Vdekja e dy ukrainaseve, dyshime se vajzat ishin punonjëse seksi
Discussion about this post