Dy ukrainase, Antonina Kozachenko 25 vjeçe dhe Anastasia Lopukhova 40 vjeçe, janë gjetur të vdekura në një apartament me qira në Tiranë. Sipas burime pranë grupit hetimor, dy vajzat dyshohet se punonin në vendin tonë si punonjëse seksi, ndërsa deri më tani shkak i vdekjes dyshohet mbidoza e ilaçeve me përbërje narkotike.
Ukrainaset janë gjetur të pajeta sot, 10 maj, nga shoqja e tyre, në një apartament që të treja e kishin marrë me qira prej gati një jave në rrugën e Dibrës.
Tre ukrainaset dyshohet se kanë konsumuar ilaçin xanas dhe tramadol për disa orë, deri sa kanë rënë në gjumë. Ilaçi Xanax me përbërje droge, nëse merret në doza të mëdha krijon varësi dhe në disa raste nëse konsumohet me doza të mëdha ose bashkë me ndonjë ilaç tjetër shkakton edhe vdekjen.
Pas konsumimit të dy ilaçeve, dy vajzat 25 dhe 40 vjeçe nuk janë zgjuar. Shoqja e tyre kur është zgjuar nga gjumi i ka gjetur të pajeta, njëra prej tyre në kolltuk dhe tjetra në dysheme. Ajo është shoqëruar nga policia. E reja qëndronte në vendin tonë prej rreth 2 muajsh. Ndërsa dy vajzat që humbën jetën kanë mbërritur në Tiranë më datë 1 maj.
Discussion about this post