Dy persona kanë vdekur si pasojë e infektimit me COVID-19 gjatë 24 orëve në Kosovë.
Sipas raportit të publikuar nga Ministria e Shëndetësisë janë regjistruar edhe 38 raste të reja pozitive me koronavirus.
Gjatë 24 orëve janë testuar 3 mijë e 285 persona si të dyshuar për Sars COV-2.
Sipas raportit të saj ditor, në 24 orët e fundit u shëruan 185 pacientë, ndërsa raste aktive mbeten 1,895.
Deri të martën në Kosovë janë dhënë mbi 1.3 milion vaksina kundër koronavirusit.
Mbi 573,000 qytetarë janë të vaksinuar plotësisht.
Aktualisht janë në fuqi masa që kërkojnë dëshmi të vaksinimit ose teste negative kundër koronavirusit për të hyrë në objektet e gastronomisë dhe në institucionet publike dhe private të Kosovës që kanë punë me palë.
