Paulo Dibala është vetëm një hap larg rinovimit të kontratës me skuadrën e Juventusit. Argjentinasi pritet të firmos me bardhezinjtë deri në vitin 2026 ku do të përfitojë natyrisht një pagë më të lartë nga çfare merr aktualisht. Bisedimet janë në tratativa të avancuara dhe palët kanë arritur një akord paraprak.
Gjatë shtatë sezoneve tek Juventusi, Dibala ka shkëlqyer me paraqitjet e tij por dëmtimet e shpeshta e kanë penalizuar jo pak për të shënuar sa më tepër gola. Në këtë edicion Dibala ka shënuar tre gola dhe ka dhuruar dy asiste teksa pritet të rikthehet nga dëmtimi për ndeshjen ndaj skuadrës së Interit që zhvillohet këtë të dielë.
