Sotiraq Filo i Bashkisë Korçë bën çudira dhe shpikje nga më të ndryshmet në tenderët që zhvillon. Këtë herë ai ka hapur një tender për pastrimin e qytetit. Fondi limit i kësaj procedure është plot 400.041.205 lekë (pa TVSh) dhe kohëzgjatja e kësaj procedure është 36 muaj, ose 3 vjet. Në dokument shihet se afati i fundit për paraqitjen e ofertave është data 26 qershor 2023 në orën 11.00.
Praktikisht i bie që për një vit do të shpenzohen rreth 133 milionë lekë për të pastruar mbeturinat në qytetin e Korçës. Sigurisht që është një shumë e lartë, kur e dimë që pastrohet vetëm qendra e qytetit dhe nëpër lagje pastrimi bëhet njëherë në muaj.
Ndërkohë po t’i bëjmë paralelizëm me tenderin e fundit të pastrimit nga Bashkia Korçë. Shohim më qartë vjedhjen që po bëhet me këtë procedurë.
Kujtojmë se tenderi i fundit për pastrimin nga Bashkia Korçë është mbyllur në fillim të vitit 2018. Lufta për këtë tender filloi që në vitin 2017 dhe ka pasur objekt “pastrimi, evadimi i mbetjeve urbane në Bashkinë e Korçës (Shërbimi i pastrimit)”.
Vlera në atë kohë ka qenë 356.843.945 lekë, ose me TVSh rreth 3.5 milionë euro. Në atë kohë, kohëzgjatja ka qenë plot 5 vjet.
Pra, duke bërë një krahasim me tenderin e këtij viti shohim se, këtë herë Raqka ka hapur kontratë me afat më të shkurtër, por me çmim shumë më të lartë. Sepse sipas llogaritjes në periudhën 2018-2022, Bashkia Korçë ka shpenzuar afro 72 milionë lekë për pastrimin.
Këtu lind pyetja nga kurioziteti, pse e ka shtuar dozën e shpenzimeve Filo?
Tenderin me afat 5 -vjeçar e ka fituar firma “Korsel” e cila i përfiton këto tenderë që në vitin 2012, kur Peleshi i dha një tender me vlerë rreth 3 milionë euro me afat 5 vjeçar. Në vitin 2017 iu dha tenderi me vlerë 3.5 milionë euro sërish me afat 5 vjeçar. Dhe tani me siguri e ndan me miqtë e tij llokmën e shtuar. Pra, afro dyfish është shtesa dhe diferenca e fondit kuptohet se ku shkon. / Esmerlada Hida/
Sotiraq Filo i jep pa garë 136 MLN Lekë mikut të tij, mërzitet dhe denoncon daja i Ilir Metës
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post