Një plagosje me armë zjarri ndodhi në aksin Shkodër-Velipojë mbrëmjen e djeshme. Ngjarja ka ndodhur rreth orës 21:45 në vendin e quajtur ura e Gjo Lulit ,në zonën e Mali Kolaj.
I plagosur ka mbetur Emiljano Paloka 27 vjeç, banues në fshatin Pulaj në Velipojës, në zonën e plazhit.
I riu është dërguar drejt spitalit rajonal të Shkodrës duke iu nënshtruar një operacioni ndërsa ndodhet në repartin e reanimacionit në një gjendje stabël, por nën kujdesin e mjekëve. Mësohet se Emiljano Paloka ka marrë një plumb në pjesën e barkut.
Dyshimet
Në vendngjarje mbërritën forca të shumta policie duke nisur hetimet për zbardhjen e plotë të ngjarjes. Sipas burimeve policore, 27-vjeçari ndodhej brenda automjetit bashkë me dy shokë të tij dhe plagosja ka ndodhur brenda në makinë ku është gjetur edhe gëzhoja e armës së zjarrit. Nga hetimet e para. dyshohet se plagosja e shtetasit Emiljano Paloka ka ndodhur pa dashje. nga një prej shokëve të tij, në një shkrepje të pavetëdijshme brenda automjetit.
Pas plagosjes, 27-vjeçari është transportuar drejt spitalit të Shkodrës nga dy shokët e tij me të cilët ndodhej dhe pasi e kanë lënë në urgjencë janë larguar në drejtim të paditur.
Policia ka identifikuar këta dy persona dhe po punon për gjetjen e tyre lidhur. Ndërkohë, plagosja ndodhi mes errësirës në aksin Shkodër-Velipojë në një vend ku nuk ka as kamera sigurie, ndërkohë që në atë orar besohet se nuk ka pasur as dëshmitarë përveç dy shokëve të 27-vjeçarit që ndodheshin brenda makinës së bashku me të.
Ndërkaq, hetimet vijojnë për zbardhjen e plagosjes së shtetasit Emiljano Paloka.
Discussion about this post