Pas kërkesës së Partisë Demokratike verifikimin e kandidatit të Sali Berishës për bashkinë e Lushnjës, KQZ ka kërkuar nga Prokuroria e Përgjithshme verifikim të plotë për Elton Banon, kandidatin për Bashkinë e Lushnjës të koalicionit “Shtëpia e Lirisë” në zgjedhjet e pjesshme vendore.
Kjo kërkesë ka ardhur pas denoncimeve nga Partia Demokratike se Bano është dënuar për vjedhje në Angli. Sipas selisë blu, kandidati Bano ka fshehur dënimin që daton në periudhën 1999-2000 dhe kërkon që ai të përjashtohet nga kandidimi.
Kjo sipas PD, është periudha kur Bano ka vetëdeklaruar qëndrimin në Angli, por ka ndryshuar vendlindjen, nga Lushnjë e ka bërë Prishtinë. Sipas KQZ-së, nga verifikimet e bëra nga vetëdeklarimi i kandidatit, nuk janë evidentuar dënime të formës së prerë.
Discussion about this post