Rreth 70 mijë euro të padeklaruara janë sekuestruar pasditen e kësaj të mërkure nga policia kufitare e portit të Durrësit. Burime për gijotina.com bëjnë me dije se eurot dyshohet se i përkasin grupeve kriminale, të cilat kanë dërguar lëndë narkotike në Itali dhe prisnin eurot në Shqipëri.
Të njëjtat burime bëjnë me dije se sasia e eurove është gjetur gjatë një kontrolli të ushtruar në një autobus të linjës Shqipëri-Itali.
Policia kufitare ka arrestuar dy shoferët e autobusit, shoferin e parë dhe ndihmësin e tij.
Ndërsa bëhet me dije se, eurot ishin të ndara në shtatë pako me nga 10 mijë euro.
Pritet të zbardhen detaje të tjera lidhur me këtë veprimtari kriminale pas marrjes në pyetje të të arrestuarve, të cilët dyshohet se kanë bashkëpunuar me persona të tjerë.
Discussion about this post