Prokuroria e Elbasanit ka shpallur mos kompetencë ndaj Erjon Alibejt duke kaluar në Strukturën e Posaçme kundër Korrupsionit dhe Krimit të Organizuar dosjen ndaj tij. Ky i fundit dyshohet se është porositësi i dy vrasjeve në qytetin e Elbasanit.
Këtë të premte në Gjykatën e Posaçme do të zhvillohet seanca paraprake ndaj 35-vjeçarit, ku GJKKO do të vendosë nëse do e kalojë apo jo për gjykim çështjen e ngritur ndaj tij.
Alibej akuzohet si porositësi i vrasjes së Emiljano Ramazanit dhe mikut të tij Regis Runajt, të dyja ekzekutime të ndodhura në korrik të vitit 2020 në Elbasan.
Erjon Alibej është vëllai i Endrit Alibejt, i cili u ekzekutua në dhjetor të 2018-ës. Bashkë me të u vranë, Arben Dylgjeri, 56 vjeç (xhaxhai i Endritit dhe Erjonit) dhe shtetasi turk Erdal Duranay.
