Mbrëmjen e djeshme në Kosovë është sekuestruar një sasi e madhe droge. Bëhet me dije se droga u kap në Konushefc të Podujevës, me peshë 91 kg, dhe dyshohet se ka origjinë nga Shqipëria. “Droga dyshohet se ka origjinë nga Shqipëria dhe ka kaluar përmes Prizrenit në Podujevë. Ka pasur destinacion final vendet e BE-së”, tha policia në konferencë për mediat.
Gjithashtu mësohet se përveç 91 kg drogë të llojit marihuanë, në Konushefc janë konfiskuar edhe një makinë e tipit Audi me targa të Gjermanisë, një veturë Glof 4 me targa të Austrisë si dhe dy makina të tjera dhe para me vlerë mbi 650 euro. Lidhur me rastin është arrestuar një i dyshuar, ndërsa në kërkim janë edhe tre të tjerë. Për këtë çështje Policia e Kosovës vijon ende hetimet
Discussion about this post