Një 74-vjeçare ka mbërritur me lëndime në spitalin e Pogradecit pasi dyshohet se është përplasur nga një makinë në rrugë. Sipas policisë, e moshuara me inicialet V. P. ka mbërritur në spital mëngjesin e sotëm.
Ajo dyshohet të jetë aksidentuar në rrugë nga një automjet në qytetin e Pogradecit, i cili më pas është larguar nga vendngjarja. E moshuara ndodhet nën kujdesin e mjekëve dhe jashtë rrezikut për jetën.
“Pogradec/Informacion paraprak/ Më datë 04.09.2022, rreth orës 10:25, në Spitalin e Pogradecit, ka mbërritur shtetasja V. P., rreth 74 vjeçe, e cila dyshohet të jetë aksidentuar në rrugë nga një automjet në qytetin e Pogradecit, i cili më pas është larguar nga vendngjarja. Kjo shtetase aktualisht ndodhet nën kujdesin e mjekëve. Grupi hetimor po punon për identifikimin dhe kapjen e drejtuesit të mjetit si dhe për zbardhjen e shkaqeve të aksidentit”, thuhet në njoftim.
Discussion about this post