Shqipëria është renditur në vendin e 22-të me 76 vota në Eurovision 2023. Albina dhe familja Kelmendi, të cilët u prezantuan me këngën “Duje”, u pritën mjaft mirë nga publiku, por rezultati nuk tregoi të njëjtën gjë.
Pas përfundimit të spektaklit, ka reaguar edhe bashkëshorti i Albinës, biznesmeni, Valon Vataj. Përmes një postimi në InstaStory, ai thekson se politika edhe këtë herë ka triumfuar kundër trojeve shqiptare.
“Politika triumfoi si zakonisht kundër trojeve shqiptare. Eurovision nga aspekti profesional e njerëzor nuk ka më vlera. Familja ime është fituese e ruajtjes së vlerave muzikore e kombëtare. Krenar me ju deri në vdekje. Faleminderit Shqipëri etnike kudo që jeni”, ka shkruar ai.
Kujtojmë që Suedia u shpall fituese e këtij edicioni me Loreen, kënga e së cilës titullohet “Tatto”.
Discussion about this post