Ish-zëvendës ministrja e Arsimit, Nora Malaj, ka shkruar në një status në rrjetet sociale se në këtë vit të ri akademik, ka vetëm 14 studentë të regjistruar për fizikë në të gjithë vendin. Ajo shprehet se ky është lajm që të lë pa frymë pasi sipas saj, pasi të dalë në pension brezi i mësuesve të fizikës, nuk do ketë më asnjë të kualifikuar në këtë fushë.
“Lajmi i trishtë ishte sot se “14 studentë të regjistruar për fizikë, në të gjithë vendin”, Lajmi që të lë pa frymë . Krizë totale në fushën e mësuesisë , sidomos në shkencat ekzakte . Kam shumë kohë qe e kam paralajmëruar , pasi e gjithë strategjia e ndjekur për fushën e përzgjedhjes nga studentët në mësuesisë ishte tejet e gabuar që në kohën e zonjës Shahini . Pasi të dali në pension edhe ky brez i përkushtuar i mësuesve të fizikë do vij momenti, shumë shpejt kur nuk do të kemi as laboratore dhe mësues fizike.”- shprehet Nora Malaj
Ajo gjithashtu shprehet se kjo nuk është një kambanë alarmi vetëm për fushën akademike apo Ministrinë e Arsimit, por për të gjithë shoqërinë shqiptare
“Kjo nuk është kambanë alarmi vetëm për fushën akademike apo Ministrinë e Arsimit, po në qasjen time kjo është alarmante për të gjithë ne, shoqërinë shqiptare dhe intelektualët e vendit.
Nëse nuk do të kemi studentë që do refuzojnë të zgjedhim degën e mësuesisë , ne të ardhmen , shumë shpejt , nuk do të kemi mësues të aftë , që nesër te kemi studente kandidatë për te studiuar ne fushat e ndryshme si mjekësia , informatika, fushat ekonomike dhe fushat e tjera.”- tha Malaj
Ish-zëvendës ministrja e Arsimit tha se kjo është një çështje kombëtare dhe duhet të trajtohet si nevojë emergjente për brezat e ardhshëm. Sipas saj, tani është mundësia që te gjithë te kontribuojmë për të dalë nga kjo situatë tejet e vështirë në sektorin e edukimit .
