Noizy nuk i ka kursyer batutat në rrjetet sociale me Stresin pasi ky i fundit u përfshi në një incident.
Teksa ka performuar së fundmi në një nga koncertet e tij, këngëtari nuk i ka shpëtuar dot një momenti të sikletshëm teksa ngjitej në skenë. Stresi ka përplasur kokën në një pjesë hekuri të cilën nuk e vuri re duke i lënë kështu një të gërvishtur tek pjesa e ballit.
Duke qenë se videoja është bërë virale, Noizy e ka publikuar atë në Instastory duke shkruar: “Ky këtë e bëri kastile” teksa ka etiketuar Stresin.
Pak kohë më parë edhe Noizy u përfshi në një incident pasi përplasi kokën te projektori që ndodhej në tavanin e skenës ku ai po performonte. Duke rikujtuar këtë moment Noizy shkruan në një tjetër status: “Do e shkatërrojmë ne. Unë projektorin, Stresi hekurat të gjitha me kokë.”
Stresi e ka ripostuar statusin në llogarinë e tij të Instagramit duke shkruar: “Kujdes hundën vëlla”.
“Unë atë e bëra kastile”- është fjalia më virale e momentit në rrjetet sociale dhe nëse jeni aktivë, sidomos në TikTok me siguri e dini për çfarë bëhet fjalë.
Për ata që nuk e dinë, bëhet fjalë për një video të trajnerit të jogas, Klodian Murati. Teksa ishte i ftuar në emisionin e Rudina Magjistarit ai po demonstronte disa pozicione të jogas dhe një moment ai rrëzohet. Mirëpo, ai shprehet se “Unë atë e bëra kastile”, duke dashur t’i shpëtojë situatë. Por, pa sukses pasi nuk u desh shumë kohë dhe sidomos në TikTok u rikrijuan mjaft video duke përdour soundin e tij.
Discussion about this post