Shqiptarja vdiq në aksidentin tragjik, flet dëshmitari: Mund të isha dhe unë viktimë, po dridhem

Dalin të tjera detaje nga aksidenti tragjik në Itali, që i mori jetën shqiptares Matilda Hidri.
Një nga dëshmitarët e aksidentit tragjik në Itali, në autostradën Milano-Genova tha se u frikësua shumë, kur pa makinën kundravajtje në autostradë.
“Pashë një makinë duke ecur me shpejtësi në drejtimin e gabuar në autostradë. Ajo po udhëtonte me shpejtësi të madhe në drejtim të kundërt në korsinë që zakonisht përdoret për parakalim. Më duhej të shikoja dy herë në pasqyrën e pasme për të bindur veten se po shihja diçka të vërtetë. Pas pak minutash ndodhi e pashmangshmja. Këmbët ende më dridhen. Unë mund të isha në mesin e viktimave”, thotë një dëshmitar në rrjetet sociale.
Tre makina u përfshinë në aksident pasi njëra prej tyre po lëvizte në drejtimin e kundërt dhe dy persona humbën jetën ndërsa tre të tjerë u plagosën.