I ftuar në emisionin Opinion, gazetari i njohur investigativ Artan Hoxha ka bërë një deklaratë të bujshme për botën e futbollit shqiptar.
Gjatë fjalës së tij gazetari Hoxha, ka përmendur faktin që ekipi i Bylis ka mbajtur peng pasaportën e sulmuesit Peter Olayinka, asokohe 19 vjeç.
Olayinka u transferua në radhët e Skënderbeut për vlerën e 30 mijë eurove (sipas Transfermarkt).
Korçarët pas 2 sezonesh arritën ta transferonin në radhët e belgëve të Gent, për shifrën rekord 1.1 milionë euro.
27 vjeçari nga Nigeria po kalon një formë të mirë me ekipin e Slavia Prague, ku regjistron 22 ndeshje dhe 10 gola në këtë sezon. Vlera aktuale e Peter Olayinka sipas Transfermarkt është 6.5 milionë euro.
Discussion about this post