Përveç xhubletës dhe qeleshes, artizanët e Krujës i kanë dhuruar Sali Berishës edhe një laps, e cila kishte të ngjitur dhe një buf.
Qytetarja: Një nga shitëset nuk erdhi dot të të takojë, dhe të bën këtë dhuratë (i jep bufin)
Berisha: Simbol i mençurisë, e çmendi Edi Ramën, e çmendi! Shumë faleminderit!
Pak më herët tregtarët e Krujës i dhuruan Sali Berishës një kostum kombëtar dhe një qeleshe, si shenjë respekti dhe mbështetjeje në fushatën elektorale për zgjedhjet e 11 Majit.
Kreu i opozitës, u zotua se do të punojë pa u lodhur për një të ardhme më të mirë për të rinjtë shqiptarë.
“U jam shumë mirënjohës, 11 do të jetë dita jonë, do të jetë ndarja nga e keqja e madhe që i ka rënë këtij vendi. Dhe një fillim tjetri i ri i madh.
Ishalla me një të ardhme më të mirë për rininë… po ta dhuroj edhe një shall. Me fitore… Doktori kryeministër për të gjithë rininë shqiptare…
Të jesh i sigurt që do bëj gjithçka që ata ëndrrën e tyre ta ndërtojnë në këtë vend. Se Shqipëria bëhet vetëm kur ju të ndërtoni ëndrrën tuaj këtu. Kur ju të ndërtoni ëndrrën tuaj, kur ëndrra juaj të bëhet realitet”, u shpreh ai.
Discussion about this post