Deputetja demokrate Ina Zhupa ka mbërritur në Pallatin e Kongreseve, ku do të jetë pjesë e Kuvendit të Partisë Demokratike, duke u bashkuar kështu zyrtarisht me ish-kryeministrin Berisha, ndonëse ka qenë një besnike e Lulzim Bsshës.
Në fjalën e saj, Zhupa u shpreh se ky qëndrim i saj nuk duhet të konsiderohet si qëndrim me njërën apo me tjetrën palë, por si një hap që i vlen bashkimit të të gjithë demokratëve.
“Kam ardhur që të bëj një akt në drejtim të bashkimit dhe në respekt të demokratëve që ndodhen në këtë Kuvend, një pjesë e të cilit janë nga dega ime. Shpresojmë që të bëhet gjithçka që është e mundur për të shkuar drejt bashkimit, objektivi ynë është që të bashkohemi përballë Edi Ramës, është proces”, tha Zhupa.
Të gjithë deputetët e Partisë Demokratike kanë pasur festë për t’iu bashkuar punimeve të Kuvendit, por një pjesë e tyre që janë renditur në anën e Enkelejd Alibeajt, bashkëpunëtorë të ngushtë të Bashës, janë përgjigjur negativisht.
Discussion about this post