Sot Gjykata rrezoi akuzat për të dashurës e Nuredin Dumanit dhe e la në masën detyrim paraqitjeje. Avokati i deklaroi se 20-vjeçarja Mirjetë Hajdini është e lirë të kthehet në Kosovë pranë familjes së saj. Ai gjithashtu shtoi se ajo nuk kishte dijeni për jetën që bënte Dumani dhe për akuzat që rëndonin ndaj tij.
“Pas pretendimeve të Prokurorisë, Gjykata vendosi ‘detyrim paraqitje’ pasi në përfundim akuza ishte vetëm për ‘përkrahje të autorit’. Akuza për ‘armëmbajtje pa leje ra’. Ajo deklaroi se njihet personin me tjetër identitet dhe se nuk i dinte akuzat ndaj tij. Kishte lidhje sentimentale dhe bashkëjetonin prej disa vitesh. Tani ajo është e lirë të kthehet në Kosovë dhe të paraqitet në ditët e caktuara pranë Drejtorisë Vendore të Policisë së Elbasanit”- tha avokati.
Kujtojmë se e dashura e Dumanit është ndalur ditën kur u arrestua Nuredin Dumani, pasi 20-vjeçarja bashkëjetonte me të.
Discussion about this post