23-vjeçari Xhimi Bakaj nga Fieri u vra me thikë pak ditë më parë nga ish-bashkëshorti i bashkëjetueses së tij, Xhuljano Mihaj.
Daja i 23-vjeçarit tha në një intervistë për Euronews Albania se e dashura e nipit është 6-muajshe shtatzënë dhe pret fëmijën e tij.
Ai tregoi se si ndodhi ngjarja e rëndë të premten në mbrëmje, ndërsa theksoi se autori e kishte goditur disa herë me thikë 23-vjeçarin, madje edhe e kishte ndjekur për ta goditur edhe disa herë të tjera duke i marrë jetën.
“Në orën 9 të darkës autori ka shkuar te shtëpia e ish-gruas dhe ka biseduar me të poshtë pallatit. Nipi im ka dalë të blejë një paketë, ai e ka goditur me thikë, është larguar me vrap rreth 100 metra dhe ai e ka ndjekur dhe e ka goditur 10 herë me thikë. E ka kërcënuar vazhdimisht, i ka thënë që e di që do shkoj në burg por ty do të vras, do të fus thikat”, tregoi daja i të riut.
Ai bëri thirrje që të bëhet drejtësi për këtë ngjarje dhe të mos ndodhë siç ka ndodhur rëndomë duke ja lënë fajin viktimës.
“Do i lutesha drejtësisë të bëjë drejtësi të mos ja hedhë fajin viktimës, të bëhet drejtësi të shikohen kamerat, që nipi im nuk ka pasur as thikë, asgjë. E dashura e tij e ka parë të gjithë skenën. E dashura është shtatzënë 6-muajshe, mban fëmijën e nipit time, e donte shumë, nuk e priste”, tha ai.
Lexo edhe:
Vrasja në Fier/ E reja: Ish-burri më kërcënonte me thikë, kam bërë disa kallëzime. Policia tallej!
Discussion about this post