Fondi Shqiptar i Zhvillimit ka anuluar tenderin me objekt “Mbështetje me ekspertizë për bashkitë për regjistrimin fillestar/ përmirësimin e regjistrit të pasurive të paluajtshme në territorin e fshatrave me potencial turistik, për të cilin ishte lënë në dispozicion fondi limit me vlerë 833 milionë lekë
Vendimi për anulimin e këtij tenderi është publikuar me datë 5 qershor. Një nga arsyet e anulimit është se “Termat e Referencës, nuk janë evidentuar zonat kadastrale të fshatrave me potencial turistik ku do të kryhet regjistrimi për të realizuar produktin “evidentimin dhe regjistrimin e pronave të paluajtshme”. Parregullsi, të cilën e ka denoncuar në prill të këtij viti Gijotina.com.
Gjithashtu, në vendimin e anulimit thuhet se është i nevojshëm të monitorimi nga organet përgjegjëse të kadastrës, për kontrollin e cilësisë dhe marrjen në dorëzim të pasurive për regjistrimin sipas fazave dhe rregullave ligjore në fuqi. Një tjetër fakt ky që u evidentua nga Gijotina.com pasi ka analizuar të gjitha dokumentet e tenderit.
Shkelje të tjera të evidentuara
Gjithashtu, në shqyrtimin e dokumenteve janë evidentuar dhe një seri boshllëqesh të tjera që mbarte ky projekt.
Në dokumentet standarde të tenderit thuhet se për këtë kontratë për 3 vite radhazi, do paguhen ekspertë privatë, “për t’u mësuar zyrtarëve të bashkive, metodikën e regjistrimit fillestar të pasurive të paluajtshme në fshatrat turistikë”.
Kjo lë të kuptohet se ekspertët që kanë bashkitë në këtë fushë nuk e dinë se si regjistrohet një objekt, kur në fakt prej dy dekadash po përdoren harta dixhitale dhe janë të gjitha të fotografuara nga ajri. Dhe paratë që paguhen për ekspertët e bashkive paguhen më kotë.
Shpresojmë që instancat përkatëse të marrin masa dhe të mos lejojnë më rihapjen e këtij tenderi. Sepse vetëm kështu mund të ndërpritet afera gjigande për “100 fshatrat”.
Lexo edhe: https://gijotina.com/pas-skandalit-me100-fshatrat-agolli-tender-833-mln-per-regjistrim/
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post