Një ngjarje e trishtë ka ndodhur paraditen e sotme teksa ish-deputeti demokrat Gerti Bogdani ka ndërruar jetë. Bogdani dyshohet se ka pësuar një infarkt në zemër.
Ish-deputeti ndodhej në një konferencë në hotel “Rogner” në Tiranë me dy miq të tij, por papritur nuk është ndjerë mirë. Ai është larguar për në tualet, por vonesa ka shkaktuar shqetësim te dy miqtë e tij, të cilët kur kanë shkuar aty, e kanë gjetur pa ndjenja. Ata kanë lajmëruar menjëherë urgjencën, e cila e ka dërguar në QSUT. Mjekët u përpoqën që ta shpëtonin 44-vjeçarin, por ai nuk ia doli dot.
Një natë më parë, Bogdani ishte i ftuar në një panel televiziv.
Kush ishte Gerti Bogdani?
Gerti Bogdani (lindur më 7 korrik 1980 në Tiranë), politikan shqiptar, ish-deputet i Partisë Demokratike në Kuvendin e Shqipërisë.
Pasi mbaroi shkollën e mesme “Harry Fultz”, me rezultate të shkëlqyera dhe ‘Medalje Ari’, Gerti Bogdani vijoi studimet e larta në Universitetin Politeknik të New York-ut, ku diplomohet me ‘Nderimet më të Larta’ (Summa Cum Laude), duke u shpallur edhe fitues i Outstanding Graduate Award – ‘Medalje Ari’.[1]
Rikthehet më pas në Shqipëri, duke e filluar karrierën e tij profesionale në fushën akademike në Universitetin e New Yorkut –Tiranë. Ai është themelues dhe drejtues i Rrjetit të Studentëve Shqiptarë në Botë.
Karrierën politike e fillon në vitin 2007, ai kandidon me Partinë Demokratike për Kryetar të Njësisë Bashkiake nr. 10 Tiranë, garë të cilën e fiton. Gjate kësaj kohe vazhdon edhe aktivitetin si zëdhënës politik i PD.
Në vitin 2009, Gerti Bogdani, kandidon në Zgjedhjet Parlamentare të 28 qershorit 2009, dhe zgjidhet deputeti më i ri në Kuvendin e Shqipërisë. Nga viti 2009 e në vijim, ai vazhdon aktivitetin e tij si Kryetar i Forumit Rinor të Partisë Demokratike.
Në vitin 2011 ai zgjidhet zv/president i “Bashkimit Ndërkombëtar të të Rinjve Demokratë” (International Young Democrat Union – IYDU) e më pas, në janar të vitit 2012, nën/Kryetar.
Në shtator 2015 zgjidhet Kryetar i IYDU, ne Kongresin e zhvilluar në Lisbonë të Portugalisë, duke u bërë kështu politikani i parë shqiptar që mban një post kaq të lartë në një organizatë ndërkombëtare.
Gert Bogdani është i martuar me aktivisten Edlira Çepani dhe është babai i Ajrës dhe Reinartit.
Lexo edhe: Humb jetën Gert Bogdani, Policia: U gjet pa ndjenja në një hotel
Lajmi tronditës për ndarjen nga jeta të Gerti Bogdanit, ndërpritet mbledhja e Këshillit të Mandateve
Kuvendi shtyn për të premten seancën plenare, nesër homazhe për Gerti Bogdanin
Discussion about this post