Ish-deputeti i Partisë Demokratike, Gerti Bogdani, ka ndërruar jetë ditën e sotme.
Policia njofton se rreth orës 11:30, në ambientet e një hoteli në bulevardin “Dëshmorët e Kombit” (Rogner), është gjetur pa ndjenja Gert Bogdani i cili është transportuar në spital për ndihmë mjekësore, por ka ndërruar jetë.
“Më datë 18.09.2024, rreth orës 11:30, në ambientet e një hoteli në bulevardin “Dëshmorët e Kombit”, është gjetur pa ndjenja shtetasi G. B., 45 vjeç. Ky shtetas është transportuar në spital për ndihmë mjekësore, por ka ndërruar jetë. Nga veprimet e kryera paraprakisht dyshohet se vdekja ka ardhur për shkaqe natyrale.“- njofton policia.
Dyshohet se ish-deputeti humbi jetën pas një ataku kardiak. Raportohet se Bogdani ka qenë në një sallë konferencash, ku dhe dyshohet se ka pësuar arrest kardiak.
Discussion about this post