Familjet në Ukrainë janë copëtuar në konfliktin më të madh evropian që nga Lufta e Dytë Botërore. Kjo pasi gratë dhe fëmijët i kanë lënë pas burrat dhe baballarët e tyre pasi autoritetet urdhëruan burrat e moshës 18-60 vjeç të qëndronin dhe të luftonin kundër forcave ruse, raporton The Guardian.
Vogëlushi Mark Goncharuk përloti me fjalët e tij, kur tha se ishte larguar nga Ukraina, por babi i tij kishte qëndruar atje për t’i shërbyer atdheut në luftë.
“Ne e lamë babin në Kiev dhe babi do të shesë gjëra dhe do t’i ndihmojë heronjtë tanë, ushtrinë tonë, ai madje mund të luftojë. Ne kemi ecur për rreth tre orë dhe ju na shpëtuat. Mendoja se do të ecnim për dy ose tri ditë. Mendoja se do të ecnim gjithë ditën, por ju na ndihmuan”, tha vogëlushi ndërsa ai dhe të afërmit e tij iknin nga kryeqyteti.
Presidenti i Ukrainës, Volodymyr Zelenskyy, ka deklaruar më herët se 16 fëmijë janë vrarë dhe 45 janë plagosur gjatë katër ditëve të fundit nga bombardimet ruse.
Discussion about this post