Mikesha e 37-vjeçares shqiptare Vera Myrta që u vra bashkë me partnerin e saj me thikë nga ish-bashkëshorti në Itali, ka treguar se ish-burri e dhunonte të ndjerën në sy të fëmijëve.
Viron Karabollaj, 40 vjeç, është autori i masakrës në Spinea të Italisë, ku vrau me thikë ish bashkëshorten e tij Mynevere Karabollaj ose Vera Myrta, 37 vjeç dhe të dashurin e saj Flonino Merkuri, 23 vjeç.
Vironi u gjet i vdekur pasi vrau ish-bashkëshorten dhe partnerin e saj të ri në mbrëmjen e së dielës 20 nëntor në një shtëpi në Spinea, në zonën e Venedikut . Sipas mikeshës Vera dhunohej brutalisht nga ish-bashkëshorti.
Në një intervistë për emisionin “Zemër të Hapur”, në News 24 mikesha e 37-vjeçares ka treguar historinë se njohjes së Verës me ish-burrin dhe torturat që ajo ka kaluar prej tij.
“Ia prezantuan. Vironi në atë kohë jetonte në Greqi. Vera i është bashkuar pas martese. Ajo punonte aq shumë, në Greqi ishin pa letra. Vera punonte 12 orë. Mund të ketë qenë shtatzënë punonte dhe hanin të katërt, mbante bashkëshortin, kunatin dhe kunatën. Nuk e di sa ka zgjatur kjo periudhë. Është sakrifica më e madhe që ka bërë një femër”, ka treguar ajo.
Gjatë intervistës, ajo po ashtu ka treguar edhe për një aksident që Verës i kishte ndodhur në Itali. Sipas saj ish-bashkëshorti e ka rrahur edhe kur ajo ishte shtatzënë.
“Si pasojë e aksidentit u detyrua të bëjë një lindje të detyruar. Viron Karabollaj bashkëshorti e ka fajësuar gjithmonë Verën për këtë aksident. Kur duhet të shkonte tek doktorët atë e shoqëronin gjithmonë vëllezërit. Nuk do më tretë dheu po të vdes, vetëm për Rorën, për vajzën e vogël që e kishte me aftësi të kufizuar. Pavarësisht të gjithave ajo shprehej, e kam babanë e fëmijëve. Mua më tregonte edhe për dhunën. Dhuna fizike ka qenë e vazhdueshme”, ka thënë mikesha e të ndjerës
Discussion about this post