Të shokuar janë të gjithë familjarët e së moshuarës 81-vjeçare Kaleme Dardha në fshatin Shën e Premte, në Divjakë, nga dhuna e ushtruar ndaj nënës së tyre 4 ditë më parë.
E moshuara e cila jeton e vetme, tregon mes lotësh dhunën e ushtruar në banesën e saj mesnatën e të premtes.
Kaleme Dardha: Në orën 12:30 u ngrita dhe shkova në tualet. Dola nga tualeti dhe shoh portën të hapur. Kush ma ka hapur mendova, e mbylla dhe shkova te dhoma e gjumit. Ai ishin brenda, më kapi dhe më hodhi përmbys. Thashë “çfarë bëra unë”. Torturat që kam hequr… Vetëm më kanë torturuar, ma kthenin kokën si të isha llastik. Dhashë e dhashë, por kam vuajtur torturë të madhe.
Ma mbanin gojën mbyllur që të mos bërtisja. Dua drejtësi. Vetëm një ishte, i maskuar. Më hoqën vathët e floririt. Nuk më ra as të fikët, isha e vetëdijshme. I kafshova gishtat dhe më lëshoi për të ikur me vrap. Kur shoh më vonë nuk kisha as unazat dhe as vathët. Mirë që nuk m’i kanë shkulur. Fshiva gjakun fillimisht, që të mos e shihnin të tjerët. Shoqes po i binte të fikët nga gjaku që shihte. Njoftova policinë dhe më pas më çojnë në spitalin e Divjakës. Dua drejtësi dhe të varen. Unë kam 34 vite që rri këtu, nuk ka ndodhur asgjë më parë. Do më prisnin vajzat biletën në nëntor që të largohesha. Dua dënimin më të madh për ta. Të vinte të më thoshte, dua lekë, jo të më torturonte mua 82 vjeçe.
Menjëherë pasi kanë mësuar ngjarjen, dy vajzat e saj Rahime Dardha dhe Hasime Goberja janë nisur urgjentisht nga Italia për të ardhur pranë nënës së tyre të dhunuar barbarisht ndërkohë që apelojnë njëzëri për drejtësi.
Një nga vajzat: Ne jetojmë në Itali, në shtëpi më erdhi lajmi në 7:00 të mëngjesit. Djali kishte folur me nipin. Më thotë që kishin hyrë hajdutët te mami dhe e kishin gërvishtur pak dhe e kanë çuar në spital për merak. Të qarat e mia… Nuk e fal gjakun e nënës sime! I njohim autorët, u ka dhënë bukë. Mos t’i lënë me 1 vit burg, sepse do bëjmë hasmëri. Më thonin komshinjtë, ta vije kovën për një minutë mbushej me gjak.
Discussion about this post