Areta Çauli është nëna e dy fëmijëve nga Durrësi, e cila po kalon një sërë peripecish për të dashurin e saj, që në fund e la pasi mësoi se kishte dy fëmijë.
25-vjeçarja inskenoi rrëmbimin nga katër persona dhe mbylli më pas çdo komunikim me familjarët, të cilët e denoncuan të zhdukur, por që rezultoi se ishte arratisur tek i dashuri i saj në Elbasan. Historia e saj si në filma, është mjaft prekëse pasi bashkëshorti i parë kishte ndërruar jetë, ndërsa i dyti e dhunonte sistematikisht.
Mirëpo, prej tetë muajsh, ajo është njohur në rrjetet sociale me një djalë, të cilit nuk i kishte treguar se ishte nëna e dy fëmijëve dhe pasi ai e kishte marrë vesh, ishin ndarë. E reja ka treguar se familja e të dashurit e respektonte dhe ndihet keq që gjerat kishin mbaruar kështu.
Por sikur të mos mjaftonin këto, 25-vjeçarja është pa punë dhe pa shtëpi, pasi qëndron në një pallat të shembur dhe e pasigurt për jetën.
“Familjarët kanë ardhur në mëngjes në Policinë e Durrësit. Policia më ka gjetur në Elbasan te familja e tij. Të enjten në darkë kam qenë në spital. Mjekët më thanë që kjo gjendje është shkaktuar nga stresi. Nuk kam asnjë siguri për të ardhmen. Jam pa banesë, qëndroj në një pallat të shembur”, është shprehur 25-vjeçarja.
E reja nuk mbështetet as nga familja, e cila i kërkon të kthehet me bashkëshortin që e dhunonte dhe të vazhdojë jetën pranë fëmijëve.
Discussion about this post