Pak minuta më parë ka përfunduar procesi i votimit për shkarkimin e Lulzim Bashës në Kuvendin Kombëtar të thirrur nga ish-kryeministri Sali Berisha dhe tashmë ka nisur procesi i numërimit. Sakaq, nga foto më poshtë tregohet se në çfarë formati është paraqitur kjo fletë votimi. Të gjithë anëtarët me të drejtë vote kanë pasur vetëm dy alternativa në fletën e votimit, ku u drejtohej pyetja: A jeni dakord me shkarkimin e kryetarit Lulzim Basha?
Delegatët kanë shprehur vullnetit e tyre duke zgjedhur njëri nga opsionet, po ose jo. Se si ka votuar pjesa më e madhe mbetet për t’u parë. Ndërsa kujtojmë se Berisha ka vendosur që të vazhdojë deri në fund procesin e shkarkimit të Bashës dhe për këtë ka thërritur një referendum me 18 dhjetor për të ratifikuar vendimin e shkarkimit.
Discussion about this post