Drafti final për zhvillimin e primareve për zgjedhjet vendore në Partinë Demokratike, që u prezantua sot në mbledhjen e Këshillit Kombëtar të PD-së, nuk u miratua. Votimi është shtyrë për mbledhjen e ardhshme.
Sipas draftit, seleksionimi dhe përzgjedhja e kandidatëve zyrtarë të PDSH për zgjedhjet e pushtetit vendor në Republikën e Shqipërisë kryhet nëpërmjet votimit të drejtpërdrejtë të anëtarësisë dhe simpatizantëve të PDSH, sipas parimit “një anëtar, një votë”, në përputhje me modalitetet të cilat garantojnë garën e ndershme dhe konkurrimin e lirë, shanset e barabarta midis kandidatëve, si dhe kontrollin e tyre mbi mënyrën e realizimit të këtij procesi (në vijim “Primaret”).
Në mbledhjen e sotme të Këshillit Kombëtar të PD-së, kreu i selisë blu Sali Berisha nisi fjalimin e tij, duke thënë se mbledhja po bëhej në një kohë kritike për vendin, pasi qeveria Rama është duke u angazhuar më tepër në promovimin e figurës së kryeministrit Serb Aleksandër Vuçiç, të cilin Berisha e cilësoi si një “Putin” të vogël që endet nëpër rajon.
Discussion about this post