Një ngjarje e paprecedentë është shënuar ditën e sotme në Dibër. Burime nga policia bëjnë me dije se disa persona janë konfliktuar me punonjësin e policisë.
Ngjarja ka ndodhur rreth orës 13.35, në lagjen Kamen, Peshkopi.
Personat e identifikuar me iniciale D.S., dhe S.S, kanë goditur me sende të forta duke i shkaktuar dëmtime punonjësit të policisë me detyrë Specialist Zone i identifikuar me iniciale M.K.
Në njoftimin zyrtar theksohet se, efektivi ka qenë duke hyrë në portën e banesës së tij. Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij.
Nuk dihet ende gjendja shëndetësore e efektivit të policisë, ndërsa pritet të merret në pyetje pas gjendja e tij të stabilizohet, për të mësuar motivin e konfliktit që agravoi në përdorimin e armës.
Ndërkohë, grupi hetimor nën drejtimin e Prokurorisë vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt.
Discussion about this post