Një pikë poste në Kamëz është grabitur mesditën e sotme. Ngjarja ka ndodhur rreth orës 14:20, në Kamëz, ku një person ende i paidentifikuar, i maskuar me kapuç dhe mbante një send të dyshuar si pistoletë, është futur në filialin e Postës Shqiptare, ka marrë një shumë parash dhe është larguar.
Burimet bëjnë me dije se autori kërcënoi punonjësen e Postës Shqiptare me një pistoletë lodër dhe mori 100 mijë lekë, 1 milion lekë të vjetra. Policia ka rrethur zonën, përballë gjimnazit “Ibrahim Rugova” dhe po vijon krehjen e zonës pasi grabitësi është larguar në këmbë.
Discussion about this post