Policia ka reaguar lidhur me të dhënat e publikuara sot nga sistemi i policisë i quajtur “MEMEX”. Kët të dhëna u publikuan nga hakerat iranianë, të cilët sulmuan Shqipërinë
Sipas policisë, ky sistem nuk është prekur. Po ashtu shtoi se këto të dhëna nuk kanë të bëjnë fare me databazën e sistemit policor MEMEX.
Policia pretendon se deri në këto momente, nuk janë prekur apo dëmtuar të dhëna sensitive që administrohen në këtë sistem, të cilat kanë të bëjnë me punën policore.
Ndërsa po hetohet origjina e rrjedhjes së këtyre të dhënave. Policia u bën thirrje mediave që në zbatim të urdhrit të prokurorit, të datës 19.09.2022, të mos publikohen të dhëna që postohen nga autorët e këtij sulmi kibernetik ndaj sistemeve dixhitale të Policisë së Shtetit.
Discussion about this post