Një aksident i rëndë është shënuar sot në Gjirokastër, në aksin Qafa e Muzinës-Jorgucat, ku një makinë ka dalë nga rruga. Sipas bluve të Gjirokastrës, shtetasi A.M, 51 vjeç ka dalë nga rruga dhe për pasojë janë plagosur drejtuesi i mjetit dhe dy pasagjerët. Të lënduarit u transportuan në spitalin Rajonal Gjirokastër për trajtim mjekësor.
“Rreth orës 14:45, në aksin rrugor Qafa e Muzinës-Jorgucat, shtetasi A. M., 51 vjeç, banues në Tepelenë, duke drejtuar automjetin tip “Benz”, ka humbur kontrollin e mjetit dhe ka dalë nga rruga.
Për pasojë është dëmtuar drejtuesi i automjetit dhe dy pasagjerët që ndodheshin në të, të cilët u transportuan në spitalin Rajonal Gjirokastër për të marrë ndihmën mjekësore dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkaqeve të aksidentit.”-njofton policia.
Discussion about this post