Makina përplas për vdekje këmbësorin në Lezhë

Një aksident i rëndë ka ndodhur këtë mbrëmje në Lezhë. Makina ka përplasur për vdekje një këmbësor.

Mësohet se këmbësori është dërguar me urgjencë drejt Spitalit të Traumës, por se gjatë rrugës ka ndërruar jetë. Viktima është një shtetas 55-vjeçar.

Viktima është përplasur nga një automjet tip “Renault”.  Aksidenti ka ndodhur në hyrjen e qytetit të Lezhës.

“Lezhë/Informacion paraprak

Rreth orës 21:50, në aksin rrugor Lezhë-Shkoder, në Balldre, shtetasi G. B. duke drejtuar automjetin e tij, ka aksidentuar një këmbësor akoma të paidentifikuar, i cili për pasojë ka ndërruar jetë.

Drejtuesi i mjetit është shoqëruar në ambientet e policisë për veprime të mëtejshme procedurale.

Grupi hetimor në vendin e ngjarjes vazhdon veprimet për zbardhjen e plotë të rrethanave të aksidentit”, thuhet në njoftimin e policisë.