Makinën plot me kallashnikovë e fishekë, arrestohen 2 të rinjtë në Tiranë (EMRI)

1 muaj më parë

Një operacion blic është zhvilluar mbrëmjen e djeshme në Tiranë. Sot policia ka vënë në pranga dy të rinj pasi janë kapur me armë zjarri në mjetin me të cilin lëviznin.

Në pranga kanë rënë personat e identifikuar  si Edison Mana 26 vjeç, banues në Tiranë, për veprën penale “Mbajtja pa leje dhe prodhimi i armëve, armëve shpërthyese dhe i municionit”; Enea Shima 19 vjeç, banues në Tiranë, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve.

Gjithashtu, në kuadër të këtij operacioni, u procedua penalisht në gjendje të lirë i riu me iniciale  Ergys Hidri 22 vjeç, banues në Tiranë, për veprën penale “Moskallëzimi i krimit”.

Shërbimet e policisë, në afërsi të TEG-ut, kanë ndaluar mjetin që drejtohej nga Ergys Hidri dhe me pasagjer Edison Mana dhe Enea Shima.

Gjatë kontrollit fizik të E. Sh., nga shërbimet e Policisë, iu gjet dhe sekuestrua, në cilësinë e provës materiale, një armë zjarri pistoletë me krehër dhe municion luftarak dhe një sasi lënde narkotike cannabis sativa, ndërsa drejtuesi i mjetit, shtetasi E. H., nuk ka kallëzuar krimin.

Në vijim të veprimeve, gjatë kontrollit të banesës së të riut me iniciale Edison Mana nga shërbimet e Policisë, u gjetën dhe u sekuestruan një armë zjarri pistoletë, një armë zjarri kallashnikov, krehra me municion luftarak dhe një palë dylbi.

Materialet i kaluan Prokurorisë, për veprime të mëtejshme procedurale.

 

Të ngjashme