Një ngjarje e rëndë është shënuar në orët e vona të mbrëmjes së djeshme në brigjet e Barit, ku Rimorkiatori “Franco P” është fundosur rreth 60 milje larg bregut.
Rimorkiatori ishte nisur drejt Shqipërisë për të kryer disa punë, ndërsa sipas hetimeve fillestare rezultojnë të zhdukur 5 persona. Shkaku i aksidentit është deti i trazuar dhe me dallgë.
Sipas mediave të huaja, komandanti, 63-vjeçari nga Katania, u shpëtua nga një anije e thirrur menjëherë në vend nga Autoriteti Portual, ndërsa kërkimi për personat e zhdukur vijon ende, i koordinuar nga dhoma e operacionit me Kapitenerisë e Portit të Barit.
Në vend ndodhen pesë anije me mbështetjen e një helikopteri për të bërë të mundur gjendjen e të zhdukurve. Komandanti i shpëtuar është aktualisht në shok në Policlinico di Bari.
Discussion about this post