E rëndë/ Plagoset një djalë dhe një vajzë në Allias

Një ngjarje e rëndë ka ndodhur këtë mbrëmje në Allias të Tiranës. Mësohet se dy të rinj janë plagosur.

E gjitha ka ndodhur pas një sherri mes disa personave. Për fat të mirë, të plagosurit janë jashtë rrezikut për jetën.

Raportohet se të plagosurit janë një djalë dhe një vajzë.

“Tiranë/Informacion paraprak

Më datë 01.07.2023, rreth 20:15, në rrugën “5 Maji”, në afërsi të një shkolle private, shtetasi A. D., për motive të dobëta dyshohet se është konfliktuar me shtetasit E. Sh., 29 vjeç, dhe J. Ç., 26 vjeç, dhe më pas ka braktisur automjetin e tij dhe është larguar nga vendi i ngjarjes.

Si pasojë janë dëmtuar lehtë me mjet prerës (xham) shtetasit E. Sh., dhe J. Ç., të cilët kanë kaluar për mjekim në spital dhe ndodhen jashtë rrezikut për jetën.

Grupi hetimor po punon për kapjen e autorit të dyshuar dhe sqarimin e rrethanave të konfliktit.