Pushimet e një të moshuari në plazhin e Spillesë, desh iu kthyen në tragjedi. I moshuri, identiteti i të cilit ende nuk bëhet me dije desh u mbyt në det. Fatmirësisht ai u shpëtua nga vrojtuesi Rodrigo Martiri.
Mësohet se bëhet fjalë për një 60-vjeçar nga Elbasani. Ai kishte mbetur në det pas shtimit të intensitetit dhe madhësisë së dallgëve dhe vrojtuesi ka hyrë për ta shpëtuar, duke e nxjerrë menjëherë në breg.
Të lënduarit i është dhënë ndihma e shpejtë dhe në mungesë të një qendre urgjence në plazhin e Spillesë është lajmëruar ambulanca, që ka bërë transportimin e tij drejt Spitalit të Kavajës.
Discussion about this post