Shpërthen bombola e gazit në Vlorë, digjet banesa

Një shpërthim ka ndodhur pasditen e sotme në një banesë në Vlorë. Burime nga policia bëjnë me dije se ngjarja ka ndodhur sot rreth orës 18:10, në fshatin Drithas, Llakatund.

Banesa është në pronësi të personit të identifikuar me iniciale K. T.

Dyshohet se si pasojë e rrjedhjes së një bombole gazi, e cila ka shpërthyer ka shkaktuar flakë brenda banesës, ku paraprakisht raportohet vetëm për dëme materiale.

Nuk dihen ende rrethanat e ngjarjes, ndërsa pritet të zbardhën detaje pas marrjes në pyetje të pronarit të shtëpisë.

Grupi hetimor po punon për zbardhjen e plotë të rrethanave të ngjarjes.