Një tjetër sulm kibernetik është regjistruar në Shqipëri, këtë herë mbi sistemin TIMS. Lajmin e ka bërë me dije kryeministri Edi Rama që thotë se sulmi është nga të njëjtët agresorë që goditën sistemin tonë të të dhënave disa javë më parë, pra nga Irani.
Rama thotë se sulmi kibernetik është shënuar mbrëmë mbi sistemin TIMS. Kjo është arsyeja pse në Pikën Kufitare të Kapshticës sistemin nuk punon.
“Një tjetër sulm kibernetik nga të njëjtët agresorë, tanimë të ekspozuar dhe dënuar prej vendeve aleate e mike të Shqipërisë, është shënuar mbrëmë mbi sistemin TIMS! Ndërkohë vazhdojmë punojmë përditë pa orar me aleatët për t’i bërë të papenetrueshme sistemet tona digjitale”, shkruan Rama në Twitter.
Kujtojmë se disa ditë më parë Shqipëria ngriu marrëdhëniet diplomatike me Iranin, pasi sipas kryeministrit këta të fundit fshiheshin pas sulmin kibernetik që iu bë Shqipërisë më 15 korrik.
Discussion about this post