E fundit/ Taksia del nga rruga, ndërron jetë një grua, tre pasagjerët …

Një aksident i rëndë ka ndodhur në aksin Milot- Mamurras orët e para të mëngjesit.

Mësohet se një taksi e cila po udhëtonte në drejtim të Rinasit ka dalë nga rruga dhe është përplasur me një objekt.

Në mjet po udhëtonin 4 pasagjerë, ku një grua ka humbur jetën. Ajo ishte e shoqëruar nga fëmijët e saj.

Fatmirësisht fëmijët janë jashtë rrezikut për jetën. Autoambulanca e Laçit pas aksidentit i ka dërguar ata për në spitalin e Traumës në Tiranë, ndërkohë që është bërë arrestimi i drejtuesit të mjetit.

Dyshohet se shkak për aksidentin është bërë përgjumja e drejtuesit të mjetit.

Policia dhe grupi hetimor ndodhen në vendngjarje dhe po punojnë për zbardhjen e plotë të rrethanave të aksidentit.