Presidenti aktual Ilir Meta është takuar me presidentin e zgjedhur Bajram Begaj. Takimi i Presidentit Meta me Presidentin Begaj po mbahet në ambientet e Pallatit te Brigadave.
Publikimi i Metës në Facebook
“Kënaqësi të prisja sot Presidentin e zgjedhur, z.Bajram Begaj dhe t’i uroja sërish suksese në detyrën e lartë, që e pret në interes të vendit dhe të gjithë qytetarëve.”
Begaj u takua këtë të enjte me tre ish-Presidentët e Republikës. Takimi me Alfred Moisiun, Bamir Topin dhe Rexhep Mejdanin u zhvillua në Pallatin e Brigadave dhe zgjati rreth 1 orë e 30 minuta. Mendohet se Begaj ka marrë këshilla nga paraardhësit e tij për drejtimin e shtetit.
Bajram Begaj është zgjedhur si presidenti i nëntë i Republikës së Shqipërisë me 78 vota pro, 4 kundër dhe 1 abstenim më 4 qershor. Ish-shefi i shtabit të Përgjithshëm, emri i të cilit doli nga PS, do të jetë pasardhësi i Ilir Metës dhe të qëndrojë në krye të shtetit për pesë vitet e ardhshme.
Discussion about this post