Një ngjarje e rëndë ka tronditur Shkodrën orët e para të mëngjesit të sotëm. Raportohet se është vrarë një person. Gijotina.com ka siguruar emrin e autorit dhe viktimës.
37-vjeçari Alfons Palushani banues në fshatin Stajkë ka vrarë me armë zjarri 51-vjeçarin Agron Metushi.
Sipas policisë ngjarja ka ndodhur për motive të dobëta në lokalin e fshatit. Pas sherrit 37-vjeçari ka marrë armën e zjarrit kallashnikov dhe në momentin që 51-vjeçari ka hipur në automjetin e tij për tu larguar, Palushani e ka qëlluar me armë zjarri.
Ngjarja ka ndodhur rreth orës 03:00, në fshatin Shelqet, Vau i Dejës. Grupi hetimor nën drejtimin e Prokurorisë vijon punën në vendngjarje për sqarimin e plotë të rrethanave dhe dokumentimin ligjor të kësaj ngjarjeje.
Shërbimet e Policisë janë vënë në ndjekje të autorit dhe vijon kontrolli i zonës për kapjen e tij.
Gijotina.com do t’iu mbajë të përditësuar me informacionet më të fundit lidhur me këtë ngjarje.
Discussion about this post