Vritet me thikë një person në Sarandë, detajet

Një ngjarje e rëndë është shënuar pasditen e sotme në Sarandë. Burime nga policia bëjnë me dije se është vrarë një person me thikë.

Ngjarja ka ndodhur rreth orës 18:30, në lagjen Nr.1, Sarandë. Viktima nuk është identifikuar ende ndërsa nga informacionet paraprake bëhet me dije se ngjarja ka ndodhur pas një konflikti të çastit.

Personi ende i paidentifikuar fillimisht ka mbetur i dëmtuar me mjete prerëse dhe më pas është transportuar në spitalin e Sarandës, si pasojë e dëmtimeve të marra ka ndërruar jetë.

Shërbimet e Policisë dhe grupi hetimor kanë shkuar menjëherë në vendngjarje dhe po vijojnë punën intensive për zbardhjen e plotë të rrethanave të ngjarjes, identifikimin dhe kapjen e autorit si dhe identifikimin e shtetasit që ka ndërruar jetë.

Gjithashtu pritet të merren në pyetje edhe dëshmitarët okularë të ngjarjes.